نوێژی غیاب بۆ مامۆستای كۆچكردوو محمد احمد الراشد.
8/29/2024 2:02:59 PM
|
121 بینراو
نیوەڕۆی ڕۆژی چوار شەممە 28/8/2024، بەئامادەبونی بەڕێز ئەمینداری گشتی و ژمارەیەك لە ئەندامانی ئەنجومەنی جێبەجێكردن و سەركردایەتی و ئەنجومەنی شوراو مەڵبەندو لقەكانی سنوری سلێمانی، نوێژی غیابمان کرد بۆ مامۆستای كۆچكردوو محمد احمد الراشد.
دواتر لە وتەیەكدا بەڕێز مامۆستا صلاح الدین محەممەد بەهائەدین ئەمینداری گشتی یەكگرتووی ئیسلامیی كوردستان ئاماژەی بە مێژووی ژیاننامەی مامۆستا راشد كردو ڕایگەیاند: موسڵمانان بەگشتی و بزافی ئیسلامیی بەتایبەت قەرزاری مامۆستا (محمد احمد الراشد)ن و مەدرەسەی برایان بەگشتی و برایانی عێراق ڕابەرێكی سەنگینیان لەدەست دا، بەداخەوە ئەو موفەکكیرە گەورەیە لە حەفتاكانی سەدەی بیستەوە لە دەستی ڕژێمی بەعس دەربازبوو، هەموو ژیانی لە دەرەوەی عێراق لە ئاوارەییدا بەسەربرد.
لە بەشێكی تری وتەكانیدا، ئەمینداری گشتی یەكگرتوو ڕایگەیاند: ئێمە لە یەكگرتووی ئیسلامیدا شەرەفی پشتگیریی و بەسەركردنەوەی مەرحوممان دەستكەوت لە سەرەتای دەستبەكاربوونماندا. داوای پلەی باڵای بەهەشتی بەرینی بۆ دەخوازین.