ديارى شەوى بیستەمی مانگی ڕەمەزان (ئیعتکاف و شەوبێداریی)و بەرنامەى شەوانى قەدر
3/19/2025 2:53:24 PM
|
89 بینراو
شەوانی قەدرو ئیعتیكاف و شەوبێداریی دەستیان پێکرد.. با کاتی شەوەکانمان بکەینە دوو بەش: بەشێکی بۆ چوونە خزمەتی قورئان و ئیستیغفارو پاڕانەوەو ذكرو خوێندنی تەراویح و ویترەکان. بەشێکیشی بۆ موتاڵا، یان بینین و گوێگرتنی بابەتی بەسوود، يان نووسین، يان کاری بەرهەمداری ترو گەشەدان بە تواناو لێهاتنەکانی خۆمان.
خوای گەورە باسی شەوبێداریی (قیام اللیل)ی کردووە، واته شەونوێژ بەشێکە لە شەوبێداریی و دەتوانرێ لە شەودا کاری جۆراوجۆرو زۆر بکرێن و بە نیەتی پاک و بۆخوابوون، بکەونە خانەی (قیام اللیل). واتە ئەوەی داوا کراوە عادەتشکێنییە، خەو لەخۆ زڕاندنە، شەوبێدارییە، به مەرجی ئيخلاص و بەسەربردنی کات لە شتی بەکەڵکدا۰ دیارە باشترین شتیش پاش خوێندنى قورئان و ذیکرو ئیستغفار، گەشەدانە بە تواناو بەهرەو لێهاتنەکان، چونکە ئەوە ئەچێتە خانەی (تزکیە)ی دەروون.