سەردانی نوێنەری نەتەوە یەکگرتووەکان لە بەڕێز ئەمینداری گشتی.
11/10/2023 8:57:10 PM
|
285 بینراو
ئەمینداری گشتی یەكگرتوو بۆ یونامی:
كاری جدی بكەن بۆ چارەسەركردنی كێشەی مووچەخۆرانی هەرێم
له خزمەت بەڕێز مامۆستا صەلاحەدین محەممەد بەهائەدین ئەمینداری گشتی یەكگرتووی ئیسلامیی كوردستان و مامۆستا مصطفى عبدالله و كاك دارا سێکانیانی ڕۆژی چوار شەممە 8-11-2023، لە نووسینگەی ئەنجومەنی جێبەجێکردن لەشاری سلێمانی پێشوازیمان كرد لە بەڕێز (ڕیكاردۆ ڕۆدیگێز) نوێنەری یونامی لە هەرێمی كوردستان.
لە دیدارێكدا گفتوگۆ کرا دەربارەی بارودۆخی سیاسی عێراق و هەرێم و ناوچەكە، ئەمینداری گشتی یەكگرتووی ئیسلامیی كوردستان خوازیاری ئەوە بوو كە نەتەوە یەكگرتووەكان ڕۆڵێكی گرنگ ببینێت لەوەی كە هەڵبژاردنی پەرلەمانی كوردستان لەكاتی خۆیدا ئەنجام بدرێت و بەدووربێت لە ساختەكاری، هەروەها داوای كرد كە نوێنەرانی یونامی لە عێراق و هەرێم كاری زیاتر بكەن بۆ چارەسەركردنی كێشەكانی نێوان هەرێم و بەغداو مووچەی مووچەخۆرانی هەرێمی كوردستان. هەروەها
لە دیدارەكەدا بەڕێز ڕیكاردۆ ڕۆدیگێز نوێنەری یونامی لە هەرێمی كوردستان ڕۆڵی یەكگرتووی ئیسلامیی كوردستانی لەگۆڕەپانی سیاسی عێراق و هەرێم بەگرنگ وەصف كردو بەگرنگیزانی كە یەكگرتوو لە هەوڵەكانی بۆ لێكنزیك كردنەوەی نێوان لایەنە سیاسسیەكانی هەرێمی كوردستان بەردەوام بێت.