کۆبونەوەی مامۆستا صەلاحەدین محەممەد بەهائەدین لەگەڵ ڕێكخستنەكانی خوشكان و برایان لە سنوری مەڵبەندی سلێمانی.
11/5/2025 4:42:13 PM
|
27 بینراو
ئەمڕۆ (٢٠/١٠/٢٠٢٥) لە خزمەت بەڕێز مامۆستا صەلاحەدین محەممەد بەهائەدین ئەمینداری گشتی یەكگرتووی ئیسلامیی كوردستاندا بووين، كە بە هاوڕێیی چەند ئەندامێکی مەكتەبی سیاسی و
سەركردایەتی و كاندیدانی لیستی ژمارە (٢٧٨)ی یەكگرتووی ئیسلامیی کوردستان، لە هۆڵی گەشەپێدان لە شاری سلێمانی، لە دوو کاتی جیاوازدا لەگەڵ ڕێكخستنەكانی خوشكان و برایان لە سنوری مەڵبەندی سلێمانی كۆبویەوەو چەند ئاراستەیەکی گرنگی پێشکەش کردن.
لە بەشێکی قسەکانیدا ڕایگەیاند: لێرەو لەوێ گوێ بیستی قسەوباس لەسەر ماڵ جیایی دەبین، كە (٣٣) ساڵە حكومڕانان بەو هەموو داهاتەی كە لە نەوتی بۆری و قاچاخ و لە دەروازە سنوریە فەرمی و نافەرمیەكان و داهاتە ناوخۆیەكان دەستیان دەكەوێت، ئەگەر بەغداد نەبێت ناتوانن مووچەی یەك مانگ بدەن كە مافێكی سەرەتایی هەر فەرمانبەرێكە، ئیتر چۆن داوای ماڵ جیایی و جیابونەوە لە بەغداد دەكەن.؟
لە بەشێكی دیكەی وتەكانیدا، ئەمینداری گشتی یەكگرتوو جەختی كردەوە كە بەرنامەو كاری لیستی ژمارە (٢٧٨) خزمەتی زیاترە بە هاوڵاتیان و موچەخۆرانی ستەملێكراو لە ڕێگەی بەغداوە، كاندیدەكانی ئێمە جێگەی شانازین، مێژووی حزبەكەیان و خۆشیان شاهیدی ئەو ڕاستیە دەدەن كە خەڵكانی شارەزاو شیاوو ڕاستگۆو دەستپاك و بوێرن، پێویستە هاوڵاتیانی هەرێمی كوردستانیش جیاوازییەكانی ئێمەو ئەوان ببینێت.