ناساندنی بەرگی پێنجی ئینسکلۆپیدیای کوردو کوردستان،
4/25/2025 12:40:08 AM
|
11 بینراو
ئەمڕۆ (٢٤/٤/٢٠٢٥) بە سەرپەرشتی بەرێز، د.عمر عبد العزیز، سەرۆکی ڕێکخراوی زانست بۆ باس و توێژینەوەو بە ئامادەبوونی دەستەی ئامادەکاری (ئینسکلۆپیدیای کوردو کوردستان)و نزیکەی ٤٠ نووسەری بەرگی پێنجی ئینسکلۆپیدیا، لە بینای ڕێکخراو، لە مەراسیمێکی تایبەتدا، کتێبەکە، ناسێندرا. سەرەتا بەڕێزان د.عمر عبد العزيزو پ.د.ئاراس حمە صالح و د. ئومێد محەممەدئەمین تیشکیان خستە سەر گرنگیی پرۆژەکەو ئاستەنگەکانی و سوپاسی نووسەرانی بەشداریان کرد. دواتر نووسەرانی ئامادەبوو چەندین داواو سەرنج و پێشنیاریان ئاراستەی دەستەی ئامادەکار کردو کۆبوونەوەکەیان دەوڵەمەند کرد.
ئەوانیش وێڕای دووپاتکردنەوەی سوپاس و پێزانین، داواکار بوون کە بەشدارییان بە ردەوام بێت تاکو بەرگەکانی كتێبەکە خێراتر ئامادە بکرێن و بگەنە بەردەستی خوێنەران.